La Zonte Regjonâl dal Friûl-Vignesie Julie e à aprovât vuê il calendari scolastic 2023/2024.
Intai asîi statâi e paritaris lis lezions a scomençaran ai 13 di Setembar e a finaran ai 30 di Jugn.
Intes scuelis elementârs, mediis e superiôrs la prime campanele e sunarà simpri ai 13 di Setembar par concludisi invezit ai 8 di Jugn.
Lis sospensions regjonâls des lezions e des ativitâts didatichis a son fissadis dai 27 di Dicembar ai 5 di Zenâr (feriis nadalinis); dai 12 ai 14 di Fevrâr (Carnevâl e Miercus de Cinise); dai 28 di Març ai 2 di Avrîl (feriis pascâls).
Simpri restant l’oblic di destinâ al davuelziment des lezions almancul 200 dîs e intal rispiet dal numar minim di oris anuâl, fissât par ogni ordin di scuele des normis in vore, i istitûts a varan purpûr la facoltât di adatâ il calendari scolastic regjonâl in relazion aes esigjencis che a derivin dal Plan trienâl de ufierte formative (Ptof), in acuardi cui ents locâi competents a sigurâ i servizis conetûts aes ativitâts didatichis e cui sogjets erogadôrs di servizis. (A.D.G.) – 28.04.2023
