57
Maristella Nardin di Tavagnà e je stade sielzude tant che Miss ‘Distretto delle meraviglie’. La fantate di 19 agns, di pôc diplomade tal liceu des Siencis umanis cu la passion dal bal e dal cjant, e à vinçût chest titul, che al da la pussibilitât di lâ indenant tal concors pes finâls regjonâls, buinis pe otantesime edizion dal concors di Miss Italia. A premiâle il sindic di Manzan Piero Furlani e il dirigjent dal Distret Edi Sommariva.
La elezion e je stade a Vile Romano e Cjasis di Manzan, dilunc dal event “Festival delle Meraviglie” inmaneât dal Distret dal Cumierç dal Friûl Orientâl adun cul Comun di Manzan. (a.d.g.) – 30.06.2025
