La Arcidiocesi di Udin e à un gnûf arcivescul

da Alessandro Di Giusto

Al sarà bonsignôr Riccardo Lamba il gnûf arcivescul di Udin, vescul ausiliâr atuâl pal setôr Est di Rome.

La conferme e je rivade vuê dal stes bonsignôr Andrea Bruno Mazzocato dilunc di une conference stampe a misdì, li dal centri Paulin di Aquilee di vie Treppo. Mazzocato al à vuidât la arcidiocesi udinese par cuindis agns, dal 2009 al 2024. Vint fat i 75 agns al prin di Setembar dal 2023, al veve presentât za la rinunzie par limits di etât al Pontefiç, restant in cjarie fin ae gnove nomine.

Lamba al è nassût a Caracas (Venezuela) ai 30 di Novembar dal 1956. Al è stât ordenât presbitar pe Diocesi di Rome intal 1986 e nomenât vescul di Pape Francesco intal 2022. Jentrât in seminari intal 1984, dopo la Lauree in Medisine, al à otignût il Baccalaureato e la Licence in Psicologjie inte Pontificia Università Gregoriana. Dal 1989 al 1991 al è stât assistent dal Pontificio Seminario Romano Maggiore. Dal 1991 al 2000 al è stât assistent de Facoltât di Medisine e Chirurgjie de Universitât Catoliche dal Sacri Cûr. Dal 2000 al 2002 al è stât plevan di S. Anselm ae Cecchignola, dal 2002 al 2018 di Jesù Divin Lavoradôr e dal 2018 fin cumò di S. Ponziano a Rome. (a.d.g.) – 23.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui