Miercus ai 27 di Avost aes 6 e mieze sore sere, inte sale riunions de Protezion civîl, inte ex caserme dai Vigjii dal fûc di vie T. Ciconi, e sarà presentade la gnove Cer (Comunitât energjetiche rinovabile) di S. Domeni, la prime vere Comunitât energjetiche che si fâs a Udin, nassude dal bas e cul obietîf clâr de solidarietât bande de int e des fameis che a vivin in cundizions di puaretât energjetiche.
La Cer e je ative dal Mai passât e cumò si sta slargjant a dute la citât e par chest motîf e cîr int che e cjapi part, sedi tra chei che a àn un implant fotovoltaic, sedi tra chei che no lu àn.
Vuê la Cer di S. Domeni e je fate di 60 socis e dentri si cjatin ancje sogjets come che la parochie di S. Domeni e cuatri fondazions udinesis (“Casa dell’Immacolata di don Emilio De Roja”, “Paolo Petrucco ETS”, “Teatro Nuovo Giovanni da Udine” e “Istituto mons. Francesco Tomadini” la onlus Comunità Piergiorgio).
Cui che al fos interessât a zontâsi ae Cer ma nol podès jessi presint al incuintri, al pues scrivi a info@cersdomenico.it o, plui indenant, visitâ il sît http://www.cersandomenico.it/. (a.d.g.) – 26.08.2025
