La art a Cosean e torne a vierzi al public

A saran plui di 100 i artiscj nazionâi e internazionâi che a metaran in mostre i lôr lavôrs dilunc des viis dal paîs pe 23e edizion de rassegne internazionâl “Premio Arte Coseano“, il 1° e ai 2 di Otubar tes stradis di Cosean. Dopo la sierade par vie de pandemie, inte edizion cence public dal 2021 e je stade buride fûr une “capsule dal timp” cun oparis sigjiladis intune capsule, che a vignaran viertis tra 100 agns. Chest an il Premi al propon une edizion par un public di apassionâts o di cultôrs de art, che e podarà di gnûf dialogâ cui artiscj intant che a realizin dal vîf la lôr opare. Testemoniâl dal Premi al sarà in cheste edizion il pitôr cravuat Bojan Šumonja, che al à esponût di pôc ancje al museu Revoltella di Triest. (A.I.) – 28.09.2022