In Badie a tornin i colocuis leteraris

E torne a tacâ ai 11 di Avrîl e fint ai 27 di Jugn la sezion Vierte-Istât de decime edizion de rassegne “I colloqui dell’Abbazia” (I colocuis de Badie), il viaç de cjarte gjeografiche di Livio Felluga, inte storiche Badie di Rosacis, in comun di Manzan, un event curât e condot di Elda Felluga e Margherita Reguitti. Al sarà come simpri un viaç di là dai confins, in tramis di storiis, ints e culturis a cjaval des frontieris tangjibilis. Sîs i apontaments, cuatri di chei in anteprime regjonâl, tacant di Fernando Gentilini, autôr di un “Atlant des citâts eternis”. Joibe ai 17 invezit al torne in badie Veit Heinichen cun “A maglie strette”. Tai mês di Mai e di Jugn a rivaran il câs leterari dal an Ciriaco Offeddu, po ancje Antonella Gallarotti e Antonio Caprarica. (A.I.) – 10.04.2025