Il Parc naturâl regjonâl des Prealps Juliis al scree il calendari dai tancj events inmaneâts par celebrâ i siei 30 agns di ativitât cuntune serade speciâl dedicade ae faune salvadie.
Sabide ai 28 di Fevrâr a Lusevare, inte cjase comunâl de frazion di Pradielis, aes 8.30 sot sere, e sarà la presentazion dal libri “I grandi carnivori d’Italia” scrit di Jessica Peruzzo, innomenade naturaliste e fotografe che e studie e documente di timp i salvadis.
Tal câs dal libri gnûf, Peruzzo – che e varà a flanc Tiziano Fiorenza, naturalist nostran e autôr di cetancj libris sui salvadis dal Friûl – e fevele di ors, lôf, siacal e ancje de lince; l’incuintri cu la studiose, inmaneât de Consulte dai zovins de Risierve de Biosfere des Alps Juliis e sarà une buine ocasion par fevelâ di biodiversitât, conservazion de nature e convivence tra om e i grans carnivars. (a.d.g.) – 23.02.2026
