Il Mai dai libris a Tisane al va fûr des bibliotechis

E va indevant a Tisane la rassegne culturâl “Il Mai dai libris”, che e fâs part di une campagne nazionâl taliane di promozion de leture nassude intal 2011 cul obietîf di sotlineâ il rûl fondamentâl dai libris tant che struments di cressite personâl, culturâl e civîl. “Il Mai dai libris” e je ancje une iniziative che e invide a puartâ i libris e la leture in contescj diviers di chei tradizionâi, tant che l’agriturisim Albafiorita (in localitât Crosaris), dulà che al sarà presentât l’ultin libri di Andrea Bellavite, jessût par Ediciclo un pâr di setemanis indaûr: “Gorizia Nova Gorica: due città in una” (Gurize Gnove Gurize: dôs citâts intune). (A.I.) – 15.05.2024