Il Ial dal Fvj al à un gnûf president

Passaç di testemoni vuê al Ial Friûl Vignesie Julie, cu la nomine dal gnûf president. A vuidâ l’ent formatîf plui grant de regjon al sarà Luciano Bordin, che, chest dopomisdì a Pordenon, al à vût lis consegnis di chel che al va fûr, Umberto Brusciano e la “benedizion” de proprietât, la Cisl Fvj,  e dal numar un dal Ial nazionâl, Stefano Mastrovincenzo. Lauree in sociologjie e une esperience plui che ventenâl in rûi di vertiç de Cisl, prime di Triest, dopo a nivel regjonâl, dulà che al à stât daûr soredut aes dinamichis dal marcjât dal lavôr, Bordin al rive ae presidence dal Ial Fvj intal segn de continuitât. (ADG) – 22.09.2022