Vuê a son 49 agns che il taramot al à fiscât il Friûl. Ai sîs di Mai dal 1976, aes nûf di sere, une scjassade lade indenant par 59 seconts cuntune magnitudo di 6,4 de Scjale Richter e à sdrumât il teritori a nord di Udin, soredut tra Vençon e Maian, fasint dams grivis in desenis di Comuns ancje de provincie di Pordenon. A son stâts cuasi 1.000 i muarts e plui di 3.000 i ferîts, che di chei 400 a jerin a stâ a Glemone, cuasi dal dut tirade jù. Une seconde sdrumade e rive in Setembar cuant che une vore di furlans a vevin za tacât a meti a puest lis lôr cjasis, sdrumant ce che al restave.
A son cetantis lis cerimoniis inmaneadis par dut il dì tacant de matine a Glemone. Come ogni an, aes nûf di sere, lis cjampanis di tantis glesiis dal Friûl a sunaran clamant al cidin e ae riflession. (a.d.g.) – 06.05.2025
