Une lungje schirie di iniziativis par celebrâ i 30 agns de istituzion dai parcs naturâi regjonâi e je stade presentade a Udin, tal palaç de Regjon, presints i rapresentants di une vore di areis tuteladis – di là dai doi Parcs regjonâi a son ancje 13 risiervis naturâls, 40 biotops e 18 parcs comunâi – che a proponaran escursions, cunvignis, publicazions e ancje degustazions, de mont fintremai ae lagune.
Dome par dâ une misure di cetantis propuestis che a saran a disposizion dal public par cognossi chescj cjantons di nature furlane ancjemò ben conservâts, al basti pensâ che a saran passe 20 i events inmaneâts tai sîs Comuns cjapâts dentri dal Parc des Prealps Juliis e de risierve naturâl de Val da la Albe, plui lis escursions “30 volte Parco”, intant che tal câs de risierve dal lât di Curnin a son previodûts dîs apontaments.
Di chest complean al fevele Stefano santi, diretôr dal parc des Prealps Juliis, Stefano Santi che al jere presint al incuintri adun cun Anna Micelli, presidente dal ent. (a.d.g.) – 02.03.2026
