I lûcs dai ebreus di S. Denêl

La comunitât di S. Denêl e rinove il so impegn di celebrâ la Zornade dal ricuart dal Olocaust cuntune schirie di events vierts al public. Chest moment di riflession ator de tragjedie dal Olocaust al da ancje une oportunitât par onorâ lis vitimis di events dispès pôc cognossûts che a son sucedûts inte zone. La presince dai ebreus a S. Denêl e je stade documentade par passe cuatri secui e e je stade stabil a tacâ dal 1547, cuntun grup di fameis che a àn vût une part impuartante te vite economiche e sociâl dal paîs. Par tignî in vite chest ricuart, pai 27 di Zenâr e je stade inmaneade une schirie di events vierts al public. Si tache aes dîs di buinore cuntune visite ae sezion dal Museu dal Teritori dedicade ae presince dai ebreus; po dopo, di un moment di riflession te Vie Piave, denant de cjase de famee Szörényi. Tal dopomisdì e je programade e une visite vuidade tal cimitieri ebreu dongje dal lât di Ruvigne e par sierâ zornade e sarà une proiezion tal cine “Splendor” de pelicule di Jonathan Glazer “La zona d’interesse” (La zone di interès), che e conte i orôrs dal Olocaust. (A.I.) – 26.01.2026