Gnûfs puescj par dâ il lat ai piçui a Cividât

In graciis di un finanziament de Regjon, l’assessorât ae Culture dal Comun di Cividât al à preparât trê gnûfs puescj indulà che lis maris a puedin da il lat ai lôr piçui cence nissun disturp. Si cjatin dentri dal munistîr  di Santa Maria in Valle, tal museu des marionetis e inte biblioteche.

A son stâts preparâts spazis une vore comuts cuntune paradane a forme di cai cun dentri dôs poltronis e cetancj acessoris. “Cussì – e à dit l’assessôr ae Culture Angela Zappulla – o lin bande di une culture simpri plui inclusive e acessibil”. (a.d.g.) – 23.03.2026