I sgjâfs archeologjics che a stan fasint dentri dal vecjo Stringher tal centri di Udin no fermin il cantîr, tant che la gnove sede de Procure di Udin e sarà pronte prime de fin dal an.
Il fat che a son stâts cjatâts rescj dal antîc coleç dai Barnabiti e cierts segns de fortificazion medievâl, saltâts fûr te cort centrâl dal edifici, al veve provocât un ritart di trê mês dai lavôrs, ma la gnove sede, che par fale su a son stâts stanziâts cuasi 13 milions di euro, pe plui part dal Ministeri, e sarà pronte dentri dal 2026, cemût che al previodeve il program origjinâl.
Za te prossime Sierade vie Crispi e sarà liberade des impalcaduris e, intes prossimis setemanis, al varès di finî ancje il cantîr par meti a puest place Garibaldi. (a.d.g.) – 28.08.2026
