La Cantina Produttori di Ramuscello e San Vito e à donât 5.000 euros ae Comunitât di S. Egidio par sostignî i coridôrs umanitaris. I bêçs a son stâts consegnâts dal president de Cantine, Gianluca Trevisan, e dal diretôr Rodolfo Rizzi, ae presince dal aministradôr delegât de Comunitât, Stefano Carmenati, de responsabil dai coridôrs umanitaris Cecilia Pani e di Rinaldo Piazzoni.
“Chest contribût – a àn displeât Trevisan e Rizzi – al rive dal cjapâ de vendite di 500 butilis dal progjet Vino Terre, une iniziative uniche in Italie che e previôt di meti par un an lis butilis di Refosco dal Peduncolo Rosso Doc Friuli dentri de tiere dal vignâl. Dopo, cu la colaborazion preziose di insegnants e students dal liceu artistic “Galvani” di Cordenons, lis butilis a son stadis preparadis par jessi metudis in vendite al public, cuntun grant sucès”. (a.d.g.) – 21.07.2025
