Doi premis pe bande “Rossini” di Cjasteons di Strade

La bande comunâl “G. Rossini” di Cjasteons di Strade e à otignût un risultât ecelent ae vincjesime seconde edizion dal concors internazionâl par bandis “La Bacchetta d’Oro” (Bachete di aur), fat tal conservatori “Licinio Refice” di Frosinone. La bande, cun cincuante elements e vuidade di Fulvio Dose, e è cjapât il prin premi te categorie “C” cun 90,11 ponts. La bande “G. Rossini” e je rivade ancje al premi “Edizioni Boario”, un ricognossiment special par cui che al à fat plui ponts in dutis lis categoriis. Tes prossimis setemanis, la Bande Rossini e sarà impegnade cui saç di fin dal an dai arlêfs de scuele di musiche (ai 30 e 31 di Mai) e e sunarà al 14 di Jugn in place Libertât in paîs. (A.I.) – 06.05.2025