Di parc di machinis a centri culturâl

Al è un esempli perfet di rigjenerazion urbane: dulà che une volte al jere un parc di machinis, cumò al è un centri culturâl plen di vite e inovatîf. Propit un an indaûr, a Pordenon di vierzeve la gnove sale polivalente “spazioZero”, tirade sù dal Comun cui finanziaments dal PNRR e afidade in gjestion a Cinemazero. Intai prins dodis mês di ativitât, e je lade di là di ce che si sperave: passe otante ativitâts educativis pes scuelis, cincuante presentazions, dozenis di events e conferencis musicâi, events che a àn dât vôs a plui di vincj colaboradôrs locâi, e plui di 1.800 oris di viertidure a jentrade libare garantidis te aule studi. Za chescj numars a contin di bessôi il sucès di une scomesse che e je stade vinçude, di un spazi che al fâs someâ, come che al dîs dispès il public, di cjatâsi intune capitâl europeane impuartante. (A.I.) – 04.03.2026