Di Cjasteons in Austrie par un amì

La Associazion culturâl “Le Colone” di Cjasteons di Strade e memoree il musicist austriac Reinhold Haring, muart di colp, cul progjet “Peraulis e musiche par un doman”, puartât in conciert a Edelscrott, in Stirie, sabide ai 25 te glesie parochiâl. Di là di jessi un preseât musicist, Reinhold al jere un amì dal grup, la fuarce motôr di un leam profont jenfri la sô amade Austrie e la nestre patrie. “La nestre corâl – al sclarìs il diretôr artistic, Giuseppe Tirelli -nol sarès la stesse cence la sô vision. Reinhold nol faseve dome l’organizadôr: al creave oportunitâts di vite e in gracie sô o vin puartât la nestre vôs in lûcs che a son deventâts ‘cjase’ par nô, ancje in Austrie”. (A.I.) – 23.04.2026