“Curts” a Muris di Ruvigne: i vincidôrs

Si è davuelte te suaze de sagre di paîs di Muris di Ruvigne un apontament culturâl rivât ae decime seste edizion: la rassegne di curtmetraçs “Corto a Muris”, che e vûl promovi il teritori cuntune produzion cinematografiche locâl e amatoriâl. Il vincidôr de jurie tecniche al è stât Elya Ferrin – che za l’an passât al veve vinçût dut! – cun “Sot sot!”, un cine che al dopre la lenghe furlane par contâ une storie di orôr. Il premi de jurie popolâr al è lât invezit a Michela Battaglia par “Ogni giorno” e “Teor caput mundi”, simpri di Ferrin, al à cjapât il premi speciâl de Arlef, che di chest an e colabore – adun cui fantats di “YouPalTubo” – sburtant soredut sul mieç digjitâl, bon par ducj. (A.I.) – 10.09.2025