Cors di talian par forescj a Palme

A son viertis lis iscrizions pai cors di talian par forescj dal Centri Provinciâl pe Istruzion dai Adults (CPIA) di Udin, tacâts ai 5 di Otubar. A son za plui di 20 lis personis che a domandin di fâ lezions a Palme: il Comun al à destinât un Sportel dedicât, dentri dai spazis de Biblioteche Civiche, dulà che feminis e oms forescj a puedin indreçâsi par jessi judâts intes pratichis di iscrizion. In alternative la iscrizion e je pussibil fintremai ai 15 di Otubar sul sît www.cpiaudine.edu. (A.I.) – 12.10.2022