“Il teme dal insegnament des lenghis forestis – in particolâr dal todesc tant che testemoneance di une vicinance storiche e gjeografiche cul Friûl-Vignesie Julie – al è fondamentâl intal percors di regjonalizazion dal sisteme scolastic dal F-VJ. Ancje par chest la iniziative inviade de Fondazion Pittini e de Agjenzie regjonâl pal dirit al studi (Ardis) e à un grant valôr”.
Lu à dit vuê a Triest la assessore regjonâl ae Istruzion Alessia Rosolen in ocasion de conference stampe di presentazion dal bant risiervât a students des scuelis secondariis di secont grât par cors di lenghis (todesc e inglês) in Gjermanie e a Malte. La iniziative e je puartade indenant de Fondazion Pittini in colaborazion cu la Ardis e il supuart dal Ufici scolastic regjonâl pe difusion dal progjet intes scuelis, che al è indreçât ai students di fameis cun mancul oportunitâts economichis. A jerin presints ancje la presidente de Fondazion Pittini e la diretore de Ardis Patrizia Pavatti.
Ae fonde al è il grant lavôr de Ardis che “al è daûr a operâ ben di là di chei che a son i nivei essenziâi di garantî ai sogjets che a partecipin ae vite scolastiche”, e a sclarît Rosolen. (ADG) – 18.11.2022
