73
Il Centri Studis di Coder di Sedean al memoree pre David Maria Turoldo intal aniversari de sô muart ai 6 di Fevrâr dal 1992, dilunc de Messe dedicade ae Madone de Cereole. L’apontament al è par sabide ai 3 di Fevrâr inte Glesie parochiâl di Coder. Aes 5.30 dopomisdì e vignarà inviade la cuinte edizion dal concors internazionâl di composizion corâl sui tescj di Turoldo e e vignarà presentade la propueste culturâl di un grup di zovinis dal paîs dedicade al innomenât predi e poete. Domenie ai 4 aes 6 dopomisdì, inte cjase dulà che al è nassût Turoldo, e je programade une leture seniche ispirade ae “Storia (di)Vera”, cun Flavia Valoppi e Claudio Moretti. (A.I.) – 01.02.2024
