Cine sot des stelis a cjaval dal ex confin di Gurize

Trê cines dedicâts al confin, ae sô storie e ai abitants dal teritori transfrontalîr a vignaran proietâts martars ai 18 aes 9 di sere in Place de Transalpine/Trg Evrope. Di tancj agns il Kinoatelje al prepare, in chest lûc simbolic di contat tra lis dôs Gurizis, un grant schermi par une serade dedicade al cine sot des stelis e par promovi un dai ponts impuartants pe culture des dôs citâts. Il program al previôt cines e documentaris di regjiscj slovens: “Non vogliamo il pane bianco”, “Dov’è la cortina di ferro?” e “Guerra di parole o rispettoso silenzio?”. (A.I.) – 17.07.2023