Cine di mont di 41 agns a Pasian di Prât

La cuarantesime e prime rassegne di cines e dai protagoniscj di mont e scomence vinars ai 6 te sale “Elio Venier” di Pasian di Prât: sîs seradis di viaç te storie dal alpinisim, des nestris Dolomitis al Himalaya, e da nature salvadie, inmaneade dal CAI, il Club Alpin Talian . Si tache cul cine di Reinhold Messner “K2 – La grande controversia”, che al conte i events che a àn puartât ae concuiste de seconde spice plui alte dal Mont de bande de spedizion taliane tal 1954. Vinars ai 13, serade dedicade ai protagoniscj cun Rosa Morotti, intant che daspò une setemane al sarà proietât il cine “Hermann Buhl: oltreogni cima”, su la rimpinade dal Nanga Parbat. Tal mês di Març al sarà presint ancje l regjist Emanuele Confortin e joibe ai 19 la rassegne si sere tal Teatri “Palamostre” di Udin cul ospit Denis Urubko, par contâ la sô vision dal alpinisim a 8.000 metris. (A.I.) – 05.02.2026