Cence miedi di famee di masse timp, Morsan da lis Ocjis in rivolte

Dut un pîs cence miedi di famee di une vore di timp, citadins simpri plui rabiôs par scugnî lâ tai  pîs dongje. E cussì Elena Maiolla, sindiche di Morsan da lis Ocjis, e à decidût di fevelâ in public par denunziâ une situazion deventade insostignibil. Ancje chest teritori, come tancj altris tal Friûl Ocidentâl, al fâs i conts cu la mancjance di miedis e daspò tantis promessis fatis dal Distret, la sindiche e veve pensât che forsit e jere la volte buine, ma il miedi al è invezit stât mandât a Cordovât, indulà che za a je in vore une dotoresse.

Cumò si spere che al rivi cualchidun inta mês a vignî che al decidi di fermâsi e cjapâsi cure dai citadins dal paîs che no puedin jessi considerâts di Serie B. (a.d.g.) – 27.03.2026