Celiberti e Fedele: diferentis gjenerazions di artiscj a confront

Un apontament che al met dongje art e teritori al è in program sabide ai 27 aes 11.15 di buinore te vile Nachini Cabassi di Cuar di Rosacis, in ocasion de sieradure de mostre “E-vocazioni: Fedele e Celiberti tra realtà e visione”, curade di Ivan Crico, inmaneade de associazion Judrio, in colaborazion cu la Fondazion Celiberti. Al è previodût un dialic jenfri doi protagoniscj de art furlane: l’udinês Giorgio Celiberti, un dai plui innomenâts pitôrs e scultôrs contemporanis, e Simona Fedele, pitore di Cuar, che e à puartât lis sôs oparis tes galariis di dut il Mont. Dal mês di Jugn, lis oparis dai doi artiscj a son stadis presentadis in diviersis aziendis agriculis dal teritori. (A.I.) – 26.09.2025