76
La Cantina Produttori Cormons e à pierdût il so vice president, Andrea Tofful, 43 agns, mancjât par vie di une malatie e figure di rilêf tal mont vitivinicul regjonâl. A pandi il fat il president de Cantina Filippo Bregant: “Tofful al è stât un esempli par ducj no tal frontâ la malatie cence mai pierdi il coraç e cjalant simpri al futûr cun positivitât. Dilunc ducj chescj agns tant che vice president – al à dit Bregant – Tofful al è stât un protagonist fondamentâl de rinassite de Cantina e ancje tai ultins dîs, une vore dificii par lui, nus diseve di jessi content che le vevin metude in ordin”.
I funerâi di Andrea Tofful a saran celebrâts sabide ai 21 di Fevrâr aes dôs dopomisdì a Borgnan di Cormons. (a.d.g.) – 16.02.2026
