Cambi dal comant de Julia a Udin

Cerimonie pal cambi dal comandant de Brigade alpine Julia, vuê di matine inte caserme Di Prampero sede dal comant.

Il comandant che al va fûr, il gjenerâl di brigade Francesco Maiorello, al à passât lis consegnis al coleghe Francesco Suma, deventât cussì il 48^ comandant de Brigade alpine e, tal stes timp, de Multinational land force che e cjape dentri ongjarês e slovens.

Ae cerimonie a jerin presints il comandant des trupis alpinis gjenerâl di division Alberto Vezzoli, il president dal Consei regjonâl Mauro Bordin e une vore di autoritâts civîi e militârs.

Pal gjenerâl Suma e je une tornade inte brigade, indulà che al veve za comandat il 3 Reziment di artiliarie di mont. (a.d.g.) – 17.07.2026