Calici di Stelle a Buri al fâs il plen di presincis

Grande partecipazion di public, stimade in passe 500 presincis, ae edizion 2022 di Calici di Stelle Buttrio, inmaneât di Cittá del vino e di Movimento del turismo del vino: almancul il 60% di ospits in plui (soredut di fûr dal Comun) a pet dal 2021. A confermâ il sucès dal avigniment ancje il numar di cercis al banc di ostarie di vins dai 21 produtôrs di Buri e des specialitâts gastronomichis di Le Fucine Caffè e di Bistrot di Buri. “Essenziâl pe riesside de manifestazion ancje il contribût gjenerôs di ducj i volontaris – al comente Emilio Bardus, president de Proloco Buri – che a àn lavorât par preparazion, gjestion e distribuzion dal mangjâ e des bevandis”. (A.D.G.) – 25.08.2022