Tra la dirigjence de Fidas taliane e i dirigjents de Afds di Udin che a àn dât lis dimissions al è scuintri. A fâ discuti cence zîrs di peraulis a son i numars su lis donazions di sanc cjapadis sù de Afds intai ultins agns.
Pe Federazion taliane dal 2018 al 2024 lis donazions si son sbassadis di 50 mil a pôc plui di 35 mil, in cuintritindince a pet di chês altris associazions dentri de Fidas. Chescj numars a son dut câs contestâts de Afds, parcè che lis donazions a son passadis di pôc plui di 36 mil a 35.700, tignint cont dal sbassament leât ae pandemie e al recupar tai ultins doi agns.
La bataie sui numars si zonte a chê fate di acusis tra il president dimissionari de Afds Roberto Flora e il president nazionâl de Fidas Giovanni Musso. (a.d.g.) – 31.03.2025
