Barcis si conferme ‘borc de poesie’

In onôr di Giuseppe Malattia della Vallata, poete e cjantôr di Barcis e dal cjanâl de Ciline, intal 1988 al è stât istituît il Premi a lui dedicât, rivât chest an ae 34e edizion. Il comitât organizadôr cul president Maurizio Salvador cul jutori dal Comun di Barcis e dal Pro Barcis, cu la colaborazion de Fondazione Pordenonelegge e dal circul culturâl “Menocchio”, al continue a organizâ chest impuartant apontament culturâl, che al à fat deventâ Barcis un “borc de poesie”. Domenie ai 11 aes 11 di matine intal plaçâl di Palazzo Centi e je previodude la cerimonie di premiazion e si cognossaran i poetis vincidôrs di cheste edizion dal premi leterari nazionâl “Giuseppe Malattia della Vallata”: a son 155 i poetis partecipants, che a vegnin di ben 17 regjons talianis. (A.I.) – 08.09.2022