Aprovât il progjet pal puint sul Colvare a Frisanc

L’assessôr regjonâl aes Infrastruturis e al Teritori, Cristina Amirante, e à palesât vuê la aprovazion dal progjet esecutîf e l’inviament dai lavôrs sul puint parsore dal Colvare tal comun di Frisanc, dilunc de strade regjonâl 26.

“In graciis dal vie libare al progjet esecutîf pe manutenzion straordenarie dal puint inte localitât Bus dal Colvare, dal valôr di 2,65 milions di euros – e à visât Amirante – o lin indenant tai lavôrs par meti in sigurece la rêt stradâl regjonâl, intervignint in maniere puntuâl su infrastruturis strategjichis che a presentin criticitâts leadis ae etât e aes cundizions normativis che a son cambiadis”. (a.d.g.) – 10.04.2026