43
La Zonte comunâl di Udin e à aprovât lis liniis vuide che a saran dopradis pal gnûf bant pal Font afits dal 2026, il strument che al permet di sostignî la spese dai afits pai citadins e lis fameis che àn cierts recuisîts Isee.
Il bant al sarà publicât tacant dai 4 di Març e al restarà viert fintremai dai 30 di Avrîl.
“Cun chest proviodiment – al à dit Stefano Gasparin, assessôr comunâl ae Salût e ae Ecuitât sociâl – o din continuitât a une misure che e je fondamentâl par cetantis fameis dal nestri teritori. O vin decidût di confermâ i criteris za doprâts e di pontâ su liniis vuide che a garantissin clarece, ecuitât e atenzion tal concret aes situazions di dificoltât”. (a.d.g.) – 24.02.2026
