Viodût il grant sucès dilunc dal prin mês di esposizion, la Aministrazion Comunâl di Cividât e à decidût di sprolungjâ la permanence in mostre de opare “San Girolamo penitente” di Tiziano Vecellio (plui o mancul 1570-76) intes salis dal Palaç de Nordis fint a domenie ai 4 di Jugn. Il cuadri si podarà visitâ daûr dai oraris di viertidure dal Palaç, di lunis a vinars des 10 aes 13 e des 15 aes 18, sabide, domenie e festîfs des 10 aes 18. Dilunc dal sprolungjament de permanence de tele a saran organizadis altris visitis vuidadis, fin cumò dutis plenis di int. La prossime si tignarà joibe ai 11 des 6 dal dopomisdì e i interessâts a puedin domandâ informazions ae bilietarie di Palaç de Nordis (0432-710357) o al ufici di Informacittà (0432-710460). (A.I.) – 09.05.2023
Foto Petrussi
