95
E va jù, ancje se di pôc, la popolazion resident tal Friûl Vignesie Julie: il dât al rive dal censiment dal istat inzornât ae fin dal 2024, cuant che o jerin 1.193.284, cuntun cal dal 0,1% a pet dal 2023. Cuasi il 70% de popolazion e vîf intes provinciis di Udin e Pordenon.
I forescj che a son a vivi chi di no a son 121.887 cuntun aument di 1.743 personis a pet dal 2023 e che a rapresentin il 10% de popolazion regjonâl.
Ancje in Friûl Vignesie Julie, come in dute Italie, al vise l’Istat, al è stât tocjât un record gnûf di denatalitât: i nassûts a son stâts 6.895 (87 in mancul a pet dal 2023) che di chei 1.278 fîs di citadins forescj. Tal 2024 e je lade sù di pôc la mortalitât (58 in plui). (a.d.g.) – 30.04.2026
