Ale & Franz, 31 agns di ridadis a Lignan

Daspò di vê fat trente, Ale & Franz a fasin… trente e un agns di percors artistic adun, e a fasin fieste sul palc, cuntun Istât in place, tes arenis o ator pai festival talians, puartant un spetacul dut di ridi, cul miôr dal lôr repertori comic. La cubie formade di Alessandro Besentini e Francesco Villa, cetant preseade dal public ancje chi di nô, e sarà joibe ai 10 a Lignan pal “Lignano Sunset Festival” inmaneât de Zenit, sul palc de arene Alpe Adria. “Una sera con Ale & Franz”( Une sere cun Ale & Franz) al met dongje il miôr di trê decenis di spetacui de cubie, simpri cirint gnovis situazions, une vore di improvisazion e un dialic cul public par fâlu ridi ancjemò di plui. (A.I.) – 09.07.2025