Al salve un gjatut su la autostrade pôc prime di lâ in pension e lu puarte a cjase

Un cjâf scuadre dai ausiliaris de viabilitât di Concessioni Autostradali Venete, pôcs dîs prime di lâ in pension, al à cjatât un gjatut dentri dal plet tra lis dôs coriis de autostrade A4 pôc prime dal passant di mestre.

Michele, chest il non dal lavoradôr al à cussì salvât la besteute di une muart sigure, e lu à puartât a cjase.

“Cheste – al à dit – e je stade dal sigûr une des zornadis plui bielis, propit dilunc di un dai mei ultins servizis, cuasi che al fos il segnâl di une vite che e va indenant, ancje voltant pagjine”. (a.d.g.) – 25.08.2026