A Tumieç si cirin fotos dal taramot par une mostre

Intal cincuantesim aniversari dal taramot che al à segnât la storie dal Friûl, il Comun di Tumieç al vûl ricuardâ i avigniments tragjics dal 1976, lis vitimis dal taramot in paîs e documentâ i sfuarçs fats pe ricostruzion. La idee e je chê di organizâ une mostre comemorative, par cui la Aministrazion Comunâl e domande ae popolazion se al è pussibil cjatâ fûr materiâl fotografic dal timp de emergjence inte zone di Tumieç. Lis fotos, cuntune piçule descrizion, a àn di jessi mandadis li dal Sportel pal jutori dai Citadins (place XX Settembre) par jessi digjitalizadis e dopradis inte mostre. (A.I.) – 03.03.2026