A Tor di Zuin si conte la ereditât de Snia

Inte suaze de manifestazion “Racconti Industriali”, la Pro Torviscosa e presente domenie ai 28, aes 11 di matine al CID, Centri Informazion e Documentazion, il progjet di ricercje “L’eredità della SNIA Viscosa nella Bassa friulana”. Il progjet al voleve analizâ l’impat de presince de SNIA intal teritori e la sô ereditât traviers i articui di stampe, lis testemoneancis orâls e la documentazion conservade intai archivis locâi. Il progjet, finanziât de Regjon F-Vj, al veve di doprâ i archivis di doi fonts privâts (Snidero e Eldamira), ma i documents a son stâts logâts intun edifici di proprietât de Bracco SPIN par sigurece. Lis domandis di restituzion passadis indevant dal Sindic magari cussì no no àn cjatât rispueste: di consecuence, il contribût regjonâl al è stât revocât e il progjet par cumò si fonde dome su la part za a disposizion. (A.I.) – 26.05.2023