87
La art contemporanie intun sens trasversâl, plene di contaminazions di formis diferentis di espression, e torne protagoniste de decime prime edizion di “[A]”, art tai trois, une manifestazion che si davuelç dai 6 ai 14 di Setembar a Maran. Inmaneade de associazion culturâl [A], par nûf dîs e mudarà il centri storic dal borc cun mostris tes placis e tai trois. Tes vecjis cjasis vueidis e tai gnûfs spazis ristruturâts a saran 14 artiscj diferents un di chel altri, che a vegnin de Italie ma ancje de Europe. La scree e je previodude sabide ai 6 aes 5.30 di dopomisdì te pescjarie viere, cu la presentazion di ducj i artiscj. Vie pe setemane, in program ancje musiche e cualchi cine. (A.I.) – 05.09.2025
