La associazion Giusto Caenazzo di Grions e celebre i cent agns de realizazion dal insium dal benefatôr: la costruzion di une scuele di infanzie pe comunitât, pussibile in graciis dai bêçs lassâts cul so testament tal 1912. No dome un at di beneficence, ma une vision pal avignì, une oportunitât che si rinove ancje vuê. Lis celebrazions a proviodin di events culturâi di ecezion: vinars ai 14, un incuintri cul artist Gianni Borta, che in dialic cun Nicola Cossar al contarà 64 agns di ativitât e lis passe 900 mostris fatis, cul acompagnament musicâl de cjantante jazz Barbara Errico, Sabide ai 29, simpri te sede de associazion in via Asilo 2, un lûc di incuintri e culture, Stefano Comelli al sarà in dialic cun Alessia Tortolo. (A.I.) – 13.11.2025
A Grions si celebre un benefatôr dal secul passât
74
