Daspò di cinc dîs a Gurize, il festival “ In\Visible Cities”, Citâts invisibilis, inmaneât de associazion Quarantasettazeroquattro, al rive a Gardiscje, dulà che miercus ai 2, aes 6 di dopomisdì te sale consiliâr, e rive Chiara Bersani. Une non une vore impuartant de danze contemporanie, protagoniste ancje de cerimonie di viertidure dai ultins Zûcs paraolimpics, chei di Milan e Cortine, e presentarà “Seeking Unicorns”, une version par spazis no teatrâi dal so progjet vincidôr dal premi UBU “Gentle Unicorn”. Il progjet al è il risultât di une ricercje artistiche ator dal concet di cuarp politic, che al esplore la disabilitât tant che un mût di creâ la sene e di cjalâ il mont. La zornade e larà indevant aes 9 sot sere te sale Bergamas cuntun altri apontament significatîf: il spetacul “T’appartengo?!” dal coletîf LeNotti. (A.I.) – 01.09.2026
Foto di C. Filopuolou
