A Daçan e je rivade la mense sociâl

E sarà screade li de sede dal Pôl sociâl di Daçan, martars ai 27 di Mai a misdì e mieç, la mense sociâl, indulà che si podaran cjatâ par mangjâ ducj chei che a vivin situazions di fragjilitât. Il mangjâ al sarà puartât de cooperative daurman te mense invezit che a domicili. Par dâ fûr i plats a saran presints une vore di volontaris. “O sin braurôs – al à dit il vicesindic cun deleghe aes Politichis sociâls Giacomo Spagnol – di presentâ cheste iniziative che e je un model unic tal nestri teritori e e je buine di meti adun cetantis realtâts e lotâ tal stes timp cuintri de straçarie”. (a.d.g.) – 23.05.2025