A Cjasarse la batidure cun machinis di epoche

Une fin de setemane dedicât aes tradizions antighis a Cjasarse, sabide ai 30 e domenie ai 31 di Lui. Inte aree dal centri comunitari parochiâl e torne la rievocazion de batidure cun machinaris di epoche, in graciis dal grup “Chei da la trebbia”. La fieste popolâr e je organizade da la Pro Loco Cjasarse cul jutori di grups e associazions. Il machinari che al sarà doprât par fâ lis balis di fen al è une trebie dai agns ’40 alimentade di un tratôr Landini dal 1935. (A.I.) – 26.07.2022