Pinocchio: prime in Ongjarie e daspò a S.Vît

Curade di Paola Bristot e inmaneade in colaborazion cun Cinemazero, la mostre “Carissimo Pinocchio” e puarte la art taliane contemporanie al Festival “Primanima” in Ongjarie tacant dai 14 di Otubar, par celebrâ i dusinte agns de nassite di Carlo Collodi midiant ilustrazion, fumet e animazion. Cheste e je une anteprime dal “Piçul Festival de Animazion”, che si davuelzarà il mês che al ven, dai 14 ai 22 di Novembar a S. Vît dal Tiliment. Prin di jessi metût presentât te glesie di S. Francesc te suaze dal festival, fint ai 10 di Zenâr dal 2027, Pinocchio cumò al è partît pe Ongjarie, in compagnie des tantis musis che i àn dât i artiscj talians di vuê. Il progjet al met dongje autôrs che a son mestri cognossûts e gnovis vôs che a presentin la vitalitât di un protagonist bon di fevelâ ancje cui plui grancj: in liste Davide Toffolo, Lorenzo Mattotti, ma ancje Franco Matticchio, Glenda Sburelin, Igort, Giorgio Carpinteri,, Anna Dietzel, Maicol&Mirco, Marco Corona, Luca Salvagno, Massimo Giacon, Riccardo De Biasi, Stefano Zattera, Roberto Catani e Gianluigi Toccafondo. (A.I.) – 13.10.2026